Украіна прапануе закрыць неба для турыстаў і бізнесоўцаў з Беларусі і Расіі
![Палёт з "Белавіяй" ](/sites/default/files/styles/gallery_main/public/2024-04/20191028_143820-1.jpg.webp?itok=1PMMvdvW)
Палёт з "Белавіяй" / Еўрарадыё
Украінскі прэм'ер прапанаваў закрыць еўрапейскае неба для турыстаў і бізнесменаў з Беларусі і Расіі. Дзяніс Шмыгаль запэўнівае, што Украіна будзе дамагацца такіх санкцый ад ЕС.
У выпадку прыняцця абмежаванні могуць закрануць турыстычныя і бізнес-рэйсы, якія ідуць транзітам праз паветраную прастору еўрапейскіх краін.
"Наша ідэя заключаецца ў тым, каб расійскі бізнес і турысты не маглі камфортна карыстацца небам ЕС, — тлумачыць Шмыгаль і працягвае. — Таму мы будзем настойваць на такіх санкцыях. Перакананы, што нашы партнёры з Літвы, Эстоніі і Латвіі падтрымаюць нашу прапанову".
Украінскія ўлады плануюць працаваць над абмежаваннямі з Еўракамісіяй.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.