Вы тут

Uh wow: Ілан Маск прэзентаваў браніраваны пікап будучыні

Аляксандру Лукашэнку прыйдзецца чакаць на чарговы падарунак да 2021 года. 

Генеральны дырэктар Tesla Ілан Маск прадставіў браніраваны пікап Cybertruck. Адбылося гэта 21 лістапада на прэзентацыі ў Лос-Анджэлесе, якая транслявалася ў жывым эфіры

tesla.com

Электрамабіль атрымаўся вельмі футурыстычным. Як напісаў сам Ілан Маск у “Твітэры”, на дызайн пікапа натхніў аўтамабіль-амфібія з фільма пра Джэймса Бонда “Шпіён, які мяне кахаў” (1977).

Электрамабіль будзе выпускацца ў трох варыянтах: з далёкасцю ходу 400 кіламетраў, 480 кіламетраў і 800 кіламетраў. 

tesla.com

Кошты на Tesla Cybertruck пачынаюцца ад 39 900 долараў. Самая топавая мадэль будзе каштаваць 69 900 долараў. На сайце кампаніі ўжо можна зрабіць перадзамову, аднак у продажы браніраваны электрамабіль з’явіцца толькі ў 2021 годзе.

tesla.com