Удзельнік акцый пратэсту ў Кіеве назваў сына "Еўрамайданам"
Бацька хлопчыка ўжо месяц ездзіць са Львова ва ўкраінскую сталіцу на вулічныя акцыі прыхільнікаў еўраінтэграцыі.
Яўген Ціхун кажа, што хоча лепшага жыцця і на Майдане Незалежнасці ён стаіць "за ідэю". Маці хлопчыка, Марыя Ціхун, была не супраць такога незвычайнага імя. Праўда, яна гаворыць, што калі сын захоча, ён у будучыні зможа яго змяніць.
Паведамляецца, што Еўрамайдан Яўгенавіч Ціхун нарадзіўся здаровым і вясёлым хлопчыкам.
Нагадаем, у Кіеве працягваюцца акцыі пратэсту. На Народным вечы ў нядзелю было абвешчана пра стварэнне грамадскай арганізацыі Народнае аб'яднанне "Майдан".
