Удава Тарайкоўскага: забілі мірнага грамадзяніна, а цяпер яшчэ і абражаюць яго

Удава нагадала, што дагэтуль не распачатая крымінальная справа па факце забойства мужа.

"Гэта проста жах, я не ведаю, што сказаць, не ведаю, як можа пракаментаваць такія словы, — працягвае Герман. — Проста жахліва. Я лічу, што гэта проста генацыд. У мяне няма спадзяванняў на нейкае справядлівае вырашэнне справы цяпер... Як далей жыць у гэтай краіне, як тут выхоўваць дзяцей?".

34-гадовы Аляксандр Тарайкоўскі загінуў 10 жніўня каля станцыі мінскага метро "Пушкінская". Паводле афіцыйнай версіі МУС, агучанай па свежых слядах, ён нібыта збіраўся кінуць выбуховую прыладу, але яна разарвалася ў яго ў руках. Аднак некалькі відэа з месца падзеяў абверглі афіцыйную версію: на іх бачна, што мужчына быў бяззбройны і ў яго стралялі з блізкай адлегласці сілавікі.