У ЗША сышоў з рэек і загарэўся цягнік з нафтай (фота, відэа)
Прынамсі адна з цыстэрнаў звалілася ў мясцовую раку.
У амерыканскім штаце Заходняя Вірджынія сышоў з рэек і загарэўся таварны цягнік, які перавозіў нафтапрадукты.
Як перадае ВВС, сотням навакольным жыхароў загадалі эвакуявацца.
Па меншай меры адна з цыстэрнаў з нафтай звалілася ў мясцовую раку. На месцы інцыдэнту працуюць спецыялісты па барацьбе з забруджваннем навакольнага асяроддзя.
Паведамляецца, што пацярпеў адзін чалавек.
Фота — Reuters
