У зняволенні вымушана сустракаць свой юбілей палітзняволеная журналістка
![Ларыса Шчыракова / @bajby](/sites/default/files/styles/gallery_main/public/2023-08/schirjakova_13_04.jpg.webp?itok=1niDz2mV)
Ларыса Шчыракова / @bajby
Свой юбілей вымушаная сустракаць у СІЗА гомельская журналістка і краязнаўца Ларыса Шчыракова. Сёння ёй спаўняецца 50 гадоў, нагадваюць у Беларускай асацыяцыі журналістаў.
Шчырыкову затрымалі летась у снежні. Абвінавачваюць яе ў дыскрэдытацыі Рэспублікі Беларусь (арт. 369-1 КК). Некалькі тыдняў пасля затрымання Ларысы яе сын вымушаны быў правесці ў прытулку. Сваякам яго не аддавалі, аддалі толькі бацьку, які апошнія гады жыў у Новасібірску. Але каб прыехаць і сабраць дакументы, яму спатрэбіўся час.
Раней суды больш за 40 разоў каралі Ларысу адміністрацыйнымі штрафамі за працу на замежныя СМІ без акрэдытацыі. У 2021 годзе яна публічна заявіла, што сыходзіць з журналістыкі. Зарэгістравалася індывідульнай прадпрымальніцай і пачала ладзіць этнафотасесіі — фатаграфавала людзей у нацыянальных беларускіх строях. У яе — багатая калекцыя народных вышыванак і старадаўніх побытавых рэчаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.