У Жыткавічах — 80% месячнай нормы ападкаў за 12 гадзінаў
У Жыткавічах метэаролагі зафіксавалі рэкордны паказнік ападкаў. Як паведамляе БЕЛТА са спасылкай на Белгідрамет, 14 ліпеня цягам 12 гадзінаў у гэтым горадзе выпала 59 мм ападкаў, што складае 80% ад месячнай нормы. Пры гэтым у Мінску за той самы час выпала толькі 3 мм ападкаў.
Сіноптыкі таксама пракаментавалі незвычайную з’яву ў Лідзе, якую інтэрнэт-карыстальнікі назвалі “амаль тарнада”. Паводле спецыялістаў, тарнада можа назірацца і ў Беларусі, але досыць рэдка.
Ужо колькі дзён запар Белгідрамет абвяшчае аранжавы ўзровень небяспекі ў сувязі з моцнымі дажджамі і навальніцамі.
