Віцебская ЖКГ збіраецца патраціць 19 тысяч рублёў на вывешванне і зняццё сцягоў
У Віцебску аб'явілі тэндар на вывешванне і зняццё 6700 сцягоў у горадзе. Гарадская жыллёва-камунальная гаспадарка шукае жадаючых паўдзельнічаць у святочным афармленні горада ў перыяд з траўня да снежня 2020 года. Прыблізны кошт — 19 тысяч рублёў (гэта 7,7 тысячы долараў)! Гэтыя немалыя грошы возьмуць з гарадскога бюджэту.
Выканаўца мусіць вывесіць сцягі, прызначаныя для святочнага афармлення горада, а пасля "у раней абумоўленыя тэрміны" іх зняць. Аплата будзе здзяйсняцца толькі па факце выкананых працаў.
goszakupki.by
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
