У Варшаве пройдзе выстава мінскіх фатографаў "Я хачу дадому"

У Варшаве ў Музеі Вольнай Беларусі пройдзе выстава мінскіх фатографаў (Караліны Паляковай, Ганны Верас, Андрэя Дубініна ды іншых) пад назвай "Я хачу дадому". Яе арганізатар — Heartbreaking Performance Art Group пры падтрымцы Free Belarus Centre. Мерапрыемства запланавана на кастрычнік.

Як адзначаюць арганізатары, "гэта выстава для ўсіх, каму балюча ўспамінаць Менск, хто не можа вярнуцца".

Праект ствараецца на валанцёрскіх пачатках. Арганізатары запусцілі краўдфандынг, каб пакрыць выдаткі на друк, арэнду тэхнічнага забеспячэння і іншае.