У Турцыі самалёт выкаціўся з пасадачнай паласы і завіс над абрывам

У Турцыі пасажырскі самалёт выкаціўся з пасадачнай паласы і завіс над абрывам. Інцыдэнт здарыўся ў горадзе Трабзон. Самалёт “Боінг” належыць авіякампаніі Pegasus Airlines, ён прыбыў з Анкары. Відэа з месца здарэння трапіла на YouTube.

На борце было 162 пасажыры і шэсць сябраў экіпажу. Усіх эвакуявалі, ніхто не пацярпеў, паведамляюць замежныя СМІ. Пасля інцыдэнту аэрапорт Трабзона зачынілі на некалькі гадзінаў.

Лайнер паднялі з абрыву тросам. Ужо вядома, што пілоты страцілі кіраванне, калі выконвалі манеўры.