У Турцыі працягваюцца пошукі беларускі і яе дзіцяці

Пасольства Беларусі ў Турцыі ўдакладніла інфармацыю пра загінулых у Турцыі падчас землятрусу беларусаў у горадзе Кахраманмараш. Напярэдадні з'явіліся даныя пра гібель грамадзянкі Беларусі разам з мужам і дзецьмі — 11-гадовым сынам і 4-гадовай дачкой. Дыпламаты паведамляюць, што пошукі беларускі і яе малога дзіцяці працягваюцца — разбіраюцца завалы. Муж грамадзянкі Беларусі, грамадзянін Турцыі, і яшчэ адно дзіця загінулі, паведамляе БЕЛТА.

Магутны землятрус з магнітудай 7,7 адбыўся 6 лютага. Ён закрануў паўднёвыя рэгіёны Турцыі і паўночна-заходнюю Сірыю. Толькі ў Турцыі, паводле афіцыйных даных, загінулі больш за 12 тысяч чалавек, а пацярпелі амаль 63 тысячы.

У сераду пасольства Беларусі ў Турцыі паведамляла, што пасля землятрусу не мае сувязі з чатырма беларусамі.