У Турцыі новы тэракт, ёсць ахвяры (відэа з моманту выбуху)

Не меней за два чалавекі загінулі ў выніку выбуху, які здзейсніў тэрарыст-смяротнік у цэнтры Стамбула. Як паведамляе ВВС са спасылкай на турэцкае тэлебачанне, выбух адбыўся раніцай у суботу на папулярнай у турыстаў пешаходнай вуліцы Істыкляль.

Загінуў сам смяротнік, а таксама яшчэ адзін чалавек. Шасцёра атрымалі раненні. Момант выбуху зафіксавалі вулічныя камеры відэаназірання. Сярод загінулых у Турцыі беларусаў няма, інфармуе БЕЛТА са спасылкай на МЗС нашай краіны.

У Турцыі за апошні час адбылося адразу некалькі буйных тэрактаў, якія забралі жыцці дзясяткаў людзей. Такія інцыдэнты здараліся ў сталіцы краіны Анкары.

Адказнасць за выбухі ў розных выпадках бралі на сябе курдскія радыкалы і прадстаўнікі экстрэмісцкай групоўкі “Ісламская дзяржава”.