У Светлагорскім раёне джып праваліўся пад лёд у пойме Бярэзіны

Светлагорскіх ратавальнікаў 16 студзеня выклікалі на дапамогу аўтамабілю, які праваліўся пад лёд. Здарэнне адбылося на лузе ў пойме ракі Бярэзіна каля вёскі Затон, паведамляе прэс-служба МНС. 

Прыбыўшы на месца выкліку, ратавальнікі пабачылі, што пад лёд праваліўся аўтамабіль Jeep "Grand-Cherokee" 2012 года. Ён загруз у вадзе на глыбіні каля 0,5 метра недалёка ад поймы ракі. 

Работнікі МНС дасталі аўтамабіль пры дапамозе адмысловага інструменту і абсталявання. Пацярпелых пры здарэнні няма.