У Судане падчас вайны апынуўся беларускі самалёт з экіпажам з 7 чалавек

У Судане падчас вайны апынуўся беларускі самалёт з экіпажам з 7 чалавек, піша прапагандыст Ігар Тур. Кампанія Belcanto Airlines, на якую яны працуюць, займаецца грузаперавозкамі. Мяркуецца, што гаворка пра самалёт Іл-76ТД. Сваякі членаў экіпажу кажуць, што ён моцна пашкоджаны ці нават знішчаны падчас баёў за аэрапорт.

МЗС РБ намагаецца дапамагчы беларусам вярнуцца на радзіму. Сцвярджаецца, што на дадзены момант яны знаходзяцца ў бяспецы. Агулам у сталіцы Судана знаходзіцца 10 грамадзян Беларусі.

Узброены канфлікт у Судане паміж Узброенымі сіламі і Сіламі хуткага рэагавання пачаўся ў канцы мінулага тыдня. У ім выкарыстоўваецца цяжкае ўзбраенне, авіяцыя. Загінулі ўжо сотні людзей.