У Страсбургу адкрываецца восеньская сесія ПАСЕ — без Расіі
Галоўнымі тэмамі дыскусіі на Парламенцкай асамблеі Савета Еўропы стануць крызіс ва Украіне і барацьба з неанацызмам у Еўропе.
Расійская дэлегацыя была пазбаўленая права голасу і выключаная з кіруючых органаў ПАСЕ да канца года пасля анэксіі Крыма. Таму на цяперашнюю сесію яна не прыехала. У папярэдняй сесіі Расія таксама не ўдзельнічала.
У рамках сесіі ПАСЕ разгледзіць сітуацыю на ўсходзе Украіны і абмяркуе даклад шведскага парламентара Марыеты дэ Пурбэ-Лундзін "Супрацьдзеянне праявам неанацызму", перадае ВВС.
Напярэдадні сесіі ад парламентароў таксама паступіла прапанова абмеркаваць сітуацыю, якая склалася вакол джыхадзісцкага руху "Ісламская дзяржава".
Фота — УНІАН
