У сілавікоў узніклі падатковыя пытанні да бацькі Максіма Мірнага
Мікалай і Максім Мірныя / БЕЛТА
У сілавікоў узніклі падатковыя пытанні да бацькі тэнісіста Максіма Мірнага Мікалая Мірнага, піша "Трыбуна". Ён курыруе працу некалькіх кампаній сямейнага бізнесу, у які ўваходзяць "Мірны тэніс", "Мірны фітнес-цэнтр" і "Мірны цэнтр". І вось "некаторы час таму" пачаліся праблемы.
Магчыма, з гэтым звязаны нядаўні прылёт Максіма Мірнага ў Беларусь з ЗША і яго "пакаянне" за сваю пазіцыю ў 2020 годзе. Атрымліваецца, што ён цяпер шкадуе пра заклік спыніць гвалт сілавікоў.
"Я не справіўся. Я жывы чалавек, мы ўсе схільныя рабіць памылкі", — гэтыя словы Мірнага цытуе дзяржаўная прапаганда.
