У Швейцарыі замест наклейвання маркі на канверт можна паслаць SMS
Карыстальнік дасылае адно слова — "марка". У адказ прыходзіць код, які трэба напісаць у правым верхнім куце канверта.
Пры апрацоўцы на пошце код "чытае" машына і пацвярджае аплату. Код сапраўдны на працягу 10 дзён з моманту аплаты.
Пакуль аплата лістоў SMS-кодамі дзейнічае ў тэставым рэжыме. Эксперымент у Швейцарыі працягнецца на працягу года, інфармуе БЕЛТА.
