У Рыме маланка пашкодзіла антычную Трыумфальную арку Канстанціна
![Трыумфальная арка Канстанціна](/sites/default/files/styles/gallery_main/public/2024-09/rome1.jpg.webp?itok=mnAd-A3M)
Трыумфальная арка Канстанціна / Reuters
У Рыме падчас навальніцы маланка пашкодзіла антычную Трыумфальную арку Канстанціна (IV стагоддзе нашай эры). Вялікі каменны фрагмент адкалоўся і ўпаў каля збудавання, паведамляе Reuters.
"Маланка ўдарыла ў арку прама тут, потым яна трапіла ў кут, і мы ўбачылі, як вось гэта адляцела", — кажа адзін са сведак здарэння.
У адміністрацыі археалагічнага парку запэўніваюць, што "ўсе фрагменты выяўленыя і знаходзяцца ў бяспецы". Яны пачалі ацэнку шкоды. Маланка трапіла ў арку з паўднёвага боку, дзе два дні таму пачаліся загадзя запланаваныя рэстаўрацыйныя працы.
Мэр Рыма Раберта Гуальцьеры заявіў, што навальніца ў Рыме "была беспрэцэдэнтнай з'явай". Яна аказалася "вельмі магутнай, адбылася ў вельмі кароткі прамежак часу і толькі ў некаторых раёнах горада, пачынаючы з гістарычнага цэнтра".
![У Рыме маланка пашкодзіла антычную Трыумфальную арку Канстанціна](/sites/default/files/styles/default_image_paragraph/public/paragraphs/image/Rome3.jpg.webp?itok=5oTmcmgF)
![У Рыме маланка пашкодзіла антычную Трыумфальную арку Канстанціна](/sites/default/files/styles/default_image_paragraph/public/paragraphs/image/Rome2.jpg.webp?itok=-bEQlIeW)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.