У Расіі зноў выбух бытавога газу ў шматкватэрным жылым доме
У Расіі зноў выбух бытавога газу ў шматкватэрным жылым доме. Раніцай 14 студзеня здарэнне адбылося ў горадзе Шахты Растоўскай вобласці. Былі пашкоджаныя чатыры кватэры на восьмым і дзявятым паверхах. Загінуў адзін чалавек. З-пад завалаў выратавалі сем чалавек, лёс пяці пакуль невядомы. У бальніцы знаходзяцца бацька і дзіця. Амаль паўтары сотні мясцовых жыхароў эвакуяваныя ў бліжэйшую школу, інфармуе meduza.io.
Адзначаецца, што праваахоўнікі не бачыць "прыкметаў тэракту". Мяркуецца, што прычынай выбуху стала "няспраўнасць ці неналежная эксплуатацыя газавага абсталявання".
У ноч на 31 снежня выбух бытавога газу (гэта асноўная версія, бо ў СМІ называлася і версія пра тэракт) адбыўся ў шматкватэрным жылым доме ў Магнітагорску. Загінулі 39 чалавек.
