У Расіі сур'ёзна падаражэюць бытавая хімія і сродкі догляду ад P&G

Амерыканскі вытворца бытавой хіміі і тавараў для гігіены Procter&Gamble (гандлёвыя маркі Ariel, Fairy, Pampers, Gillette і многія іншыя) абвясціў, што павышае адпускныя кошты ў Расіі ў сярэднім на 40%. Пра гэта піша "Коммерсант". Дыстрыб'ютары ў Расіі вымушаныя падняць кошты праз падаражэнне лагістыкі і матэрыялаў, а таксама праз дэвальвацыю расійскага рубля.

У распараджэнні выдання аказаўся ліст аднаго з дыстрыб'ютараў, у якім ён папярэджвае кліентаў пра рост закупачных цэн. Такім чынам, з 15 сакавіка закупачныя цэны на мыйныя сродкі вырастуць на 26%, на сродкі для мыцця — на 30%, на жаночыя пракладкі — на 33%, на памперсы — на 47%, на зубныя пасты — на 58%, на шампуні і іншыя сродкаў па догляду за валасамі — на 63%, на сродкаў для галення — на 65%. Больш за ўсё падаражэюць прафесійныя сродкі для ўборкі — на 74%.

Пасля пачатку вайны ва Украіне кампанія абвясціла пра прыпыненне інвестыцый у расійскі бізнэс, у тым ліку ў маркетынг і прома. Але асноўныя тавары на рынку вырашыла пакінуць.

У Расіі працуюць два заводы P&G.