У Расіі пасажырскі самалёт здзейсніў аварыйную пасадку на пшанічнае поле
![На борту находились около 170 человек /@breakingmash](/sites/default/files/styles/gallery_main/public/2023-09/air12_09.jpg.webp?itok=AaAN8Yb8)
На борту находились около 170 человек /@breakingmash
Пасажырскі самалёт Airbus A320 здзейсніў аварыйную пасадку на пшанічнае поле каля Новасібірска. Самалёт кампаніі "Уральскія авіялініі" ляцеў з Сочы ў Омск. На яго борце знаходзіліся 167 чалавек, у тым ліку шэсць членаў экіпажа і 23 дзіцяці, піша рэсурс Mash. На падлёце да Омска пасажырам паведамілі, што праз надвор'е борт перанакіроўваюць у Новасібірск, а перад прызямленнем экіпаж пачаў тлумачыць, як паводзіць сябе ў экстранных сітуацыях, распавяла адна з пасажырак "Уральскіх авіяліній".
Людзі папярэдне не пацярпелі, іх размясцілі ў найбліжэйшай вёсцы, у Доме культуры. Расійскі Следчы камітэт завёў крымінальную справу па артыкуле аб парушэнне правілаў бяспекі руху і эксплуатацыі паветранага транспарту. Рэсурс "Известия" публікуе фрагмент перамоваў пілота з дыспетчарам. Пілот кажа, што ўзніклі праблемы з гідраўлічнай сістэмай, адбылася "страта гідраўлікі".
![В России пассажирский самолет совершил аварийную посадку на пшеничное поле](/sites/default/files/styles/default_image_paragraph/public/paragraphs/image/air0_12_09.jpg.webp?itok=wDWiV4d2)
![В России пассажирский самолет совершил аварийную посадку на пшеничное поле](/sites/default/files/styles/default_image_paragraph/public/paragraphs/image/air1_12_09.jpg.webp?itok=hbSMi6Ri)
![В России пассажирский самолет совершил аварийную посадку на пшеничное поле](/sites/default/files/styles/default_image_paragraph/public/paragraphs/image/air2_12_09.jpg.webp?itok=zMCzuPy9)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.