У пятніцу курсы долара і еўра ў Беларусі выраслі
У пятніцу, 3 сакавіка, на Беларускай валютна-фондавай біржы прайшлі чарговыя таргі. Па іх выніках Нацбанк вызначыў новыя курсы валют. Курс долара ЗША працягвае расці — з 1,9002 да 1,9141 беларускага рубля. Вырас і курс еўра — з 2,0003 да 2,0131. За 100 расійскіх рублёў сёння даюць 3,2505 беларускага рубля (у чацвер — 3,2536).
Беларускі рубель аслабеў да кошыка валют на 0,32%.
Як паведамляла Еўрарадыё, у чацвер, 2 сакавіка, курс долара ЗША таксама вырас — з 1,8955 да 1,9002 беларускага рубля. Вырас і курс еўра — з 1,9979 да 2,0003.
