У Пружанах памерлі два былыя кіраўнікі райвыканкаму. З розніцай ў два дні
У Пружанах з розніцай у два дні памерлі два былыя старшыні Пружанскага райвыканкама, пішуць pruzhany.net.
23 сакавіка памёр Сяргей Тарасевіч, які кіраваў раёнам з 1994-га па 1998-ы. А 25 сакавіка памёр Георгій Разанка, які займаў пасаду старшыні райвыканкама яшчэ ў часы Гарбачова — 1985-1989 гг.
Абодвум былым кіраўнікам у 2015 годзе было прысвоена званне «Ганаровага грамадзяніна Пружанскага раёна».
Прычыны смерці Георгія Разанка не называюцца, але цэрымонія развітання прашла з зачыненай труной.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
