У пракуратуру перадалі справу Аўтуховіча, якога вінавацяць у тэрарызме
Справу Мікалая Аўтуховіча, абвінавачанага ў тэрарызме, перадалі ў пракуратуру. Пра гэта яго блізкія распавялі журналістам радыё, прызнанага ў Беларусі экстрэмісцкім.
Час і месца суда над ваўкавыскім актывістам будуцць прызначаныя пазней — гэта вырашыць Вярхоўны суд.
Невядома, якія менавіта артыкулы інкрымінуюцца Аўтуховічу. Таксама няясны, ці будуць разам з ім судзіць іншых фігурантаў ягонай справы — Вольгу Маёраву, Уладзіміра Гундара ды іншых.
Па словах блізкіх, Аўтуховіч хутчэй за ўсё не чытаў абвінавачанні, якія яму выставілі.
Пра затрыманне "групы Аўтуховіча" стала вядома 8 снежня 2020 года. Паводле дзяржаўных СМІ, група пад яго кіраўніцтвам займалася падпалам дома міліцыянта ў Ваўкавыску і падрывам аўтамабіля міліцыянта ў Гродне. Таксама ў дзяржСМІ паведамлялася, быццам Аўтуховіч закупляў ва Украіне зброю і перавозіў яе ў Беларусь.
