У Польшчы выбухнуў скандал вакол пантыфіка Яна Паўла II
Папа Ян Павел II / pap.pl
У Польшчы выбухнуў скандал вакол пантыфіка Яна Паўла II. Высветлілася, што на пасадзе архіепіскапа Кракаўскага Караль Вайтыла пакрываў выпадкі педафіліі сярод святароў.
Караль Вайтыла (1920 — 2005) быў Папам Рымскім з 1978-га да сваёй смерці. У 2014-м яго кананізавалі. Расследаванне тэлеканала TVN24 паказала, што ў 1960-1970-я гады ён ведаў пра выпадкі педафіліі і прымаў меры, каб іх схаваць, а педафілаў вывесці з-пад удару. Журналісты знайшлі ахвяр і сведкаў тых падзей, а таксама архіўныя дакументы. Гэта кінула цень на імя Яна Паўла II, які з’яўляецца адным з галоўных сімвалаў палякаў, асабліва кансерватыўных прыхільнікаў кіруючай партыі.
