У Полацку тэрабарона адпрацоўвала дзейнасць падчас ваеннага становішча
![Падчас вучэнняў тэрытарыяльнай абароны ў Полацку / pvestnik.by](/sites/default/files/styles/gallery_main/public/2023-09/12_1.jpg.webp?itok=IFdFwzNb)
Падчас вучэнняў тэрытарыяльнай абароны ў Полацку / pvestnik.by
У Полацкім раёне тэрытарыяльная абарона адпрацоўвала дзейнасць падчас ваеннага становішча. Гэта і ахова важных аб'ектаў, і абсталяванне, арганізацыя службы на кантрольна-прапускным пункце. Як піша "Полацкі веснік", прысутнічаў камандны склад тэрабароны з усёй Віцебскай вобласці.
Паводле сцэнару вучэнняў, на ўездзе ў Полацк "дыверсійна-разведвальная група" захоплівае КПП разам з "закладнікамі". Аднак у бой кінулі тэрабарону, якая акружыла і знішчыла ўмоўнага праціўніка.
Таксама адпрацоўвалася абарона чыгуначнага моста ад тых жа "дыверсантаў".
У іншых рэгіёнах Беларусі, асабліва на поўдні, тэрабаронай таксама адпрацоўваецца арганізацыя аховы "крытычна важнага аб'екта" і недапушчэнне прарыву "незаконнага ўзброенага фармавання".
Тэрытарыяльную абарону (а ў дадатак да яе і "народнае апалчэнне") у Беларусі пачалі ствараць на фоне вайны ва Украіне — з вясны 2022-га. У яе запісваюць толькі лаяльных да цяперашняй улады людзей. У ліпені іх трэніравалі вагнераўцы.
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3791.jpg.webp?itok=dUGRYLlx)
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3660.jpg.webp?itok=38XX9idA)
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3663.jpg.webp?itok=nlzH4w7B)
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3665.jpg.webp?itok=TTjkXgmC)
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3813.jpg.webp?itok=AQua18SD)
![У Полацку тэрабарона адпрацоўвала дзейнасць падчас ваеннага становішча](/sites/default/files/styles/default_image_paragraph/public/paragraphs/image/IMG_3638.jpg.webp?itok=NHkMwcTu)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.