У Полацкім раёне нецвярозы кіроўца пабіў даішніка
Супрацоўнік ДАІ, ілюстрацыйнае фота / abw.by
Пракуратура Віцебскай вобласці накіравала ў суд крымінальную справу на палачаніна, якога вінавацяць у супраціве міліцыянту пры выкананні ім абавязкаў, спалучаным з ужываннем гвалту.
Паводле звестак следства, здарэнне адбылося ўначы 5 жніўня. Мужчына ехаў на аўтамабілі ў Полацкім раёне. Яго спыніў супрацоўнік ДАІ. Мужчына выглядаў нецвярозым, таму інспектар запрасіў яго ў службовы аўтамабіль.
"У адказ на законныя патрабаванні мужчына актыўна перашкаджаў гэтаму: прычыніў праваахоўніку пабоі і фізічны боль, разарваў форменную кашулю", — заяўляюць у пракуратуры.
Абвінавачаны знаходзіцца пад падпіскай аб нявыездзе і належных паводзінах.
