У Мінску кіроўца каршэрынгавага аўто заехаў у падземны пераход
На месцы здарэння / @gaiminsk
Сёння раніцай у Мінску аўтамабіль заехаў у падземны пешаходны пераход. Вінаватаму ў аварыі — 23 гады. Ён быў за рулём арандаванага каршэрынгавага аўто, расказалі ў мінскай ДАІ.
ДТЗ адбылося каля 6 гадзін раніцы ў раёне вуліцы Ціміразева. Кіроўца на аўтамабілі CHEVROLET COBALT "не справіўся з кіраваннем, выехаў за межы праезнай часткі і ўчыніў наезд на падземны пешаходны пераход". Машына атрымала пашкоджанні, але людзі не пацярпелі.
Людзі ў выніку гэтага ДТЗ не пацярпелі / @gaiminsk
