У Пінску паўпрычэп адчапіўся ад цягача і ўрэзаўся ў легкавік (відэа)

ДТЗ з камічным адценнем адбылося 4 лютага ў Пінску, піша tut.by. Інцыдэнт здарыўся кругавым скрыжаванні вуліц Першамайская і Цэнтральная.

Цягач з паўпрычэпам выехаў на кальцо і ехаў у крайняй правай паласе. Падчас руху ад цягача адчапіўся гружаны паўпрычэп-лафет. Ён ўрэзаўся ў легкавік, які саступаў яму дарогу і спыніўся перад выездам на перакрыжаванне.

Інцыдэнт трапіў на вулічную відэакамеру. Паведамляецца, што пацярпелых у ДТЗ няма.