У Пермі невядомы ўчыніў страляніну ва ўніверсітэце
Каб выратавацца ад стралка, людзі выскоквалі з вокнаў
У Пермі невядомы ўчыніў страляніну на тэрыторыі дзяржаўнага нацыянальнага ўніверсітэта. Паводле сведак, страляў мужчына ў ваеннай форме, паведамляе "Медуза".
Ёсць загінулыя і пацярпелыя, сцвярджае "Інтэрфакс" са спасылкай на крыніцу ў службе хуткай дапамогі. У СК потым пацвердзілі, што загінулі 8 чалавек.
Крыніца ТАСС паведамляла, што "частка студэнтаў зачыніліся ад нападніка ў аўдыторыях ВНУ. Некаторыя навучэнцы выскачылі з акна".
Афіцыйная група Пермскага дзяржуніверсітэта ва "ВКонтакте" размясціла заклік да студэнтаў зачыніцца знутры ў аўдыторыях і заставацца на месцах.
Пазней стала вядома, што стралка затрымалі. Ім аказаўся Цімур Бекмансураў. Перад стральбой ён напісаў ліст у сацсетках. У ім ён распавёў, што даўно думаў аб стральбе і адкладваў грошы на куплю агнястрэльнай зброі.
Першапачаткова планаваў прыйсці ў былую школу, але перадумаў, таму што "ў дзетак не асабліва шмат шляхоў адыходу для выратавання".
В Пермском государственном университете — стрельба.
— Игорь Пачковский (@Q0MT6pFmbVqynsM) September 20, 2021
Студенты покидают здание ПГНИУ через окна. Личность стрелка устанавливается, но сегодня на странице Тимура Бекмансурова появилось сообщение с подробным планом нападения на вуз. pic.twitter.com/7h4pXZ3YqR
