У палон нікога не браць. Пуцін заявіў пра тэракт у краме ў Санкт-Пецярбургу
Уладзімір Пуцін заявіў, што выбух бомбы ў супермаркеце "Перекресток" у Санкт-Пецярбургу 27 снежня быў тэрактам. 28 снежня прэзідэнт Расіі выказаўся пра здарэнне на цырымоніі ўзнагароджання вайскоўцаў, якія вызначыліся падчас спецаперацыі ў Сірыі.
"Учора ў Санкт-Пецярбургу быў здзейснены тэрарыстычны акт. Нядаўна Федэральная служба бяспекі спыніла яшчэ адну спробу тэракту ", — цытуе Пуціна інфармагенцтва ТАСС.
Увечары 27 снежня ў супермаркеце "Перекресток" у Санкт-Пецярбургу адбыўся выбух. Самаробнае выбуховае прыстасаваньне, начыненае паражальнымі элементамі, спрацавала ў камеры захоўвання.
СМІ апублікавалі відэа чалавека, які ў 18:15 пакінуў заплечнік ў камеры захоўвання і сышоў з крамы. Выбух адбыўся ў 18:45.
Следчы камітэт Расіі распачаў крымінальную справу па артыкуле 30 і па частцы 2 артыкула 105 Крымінальнага кодэкса (Замах на забойства двух і больш асоб агульнанебяспечным спосабам). Раней СМІ паведамлялі, што магутнасць выбуху склала 200 грамаў у трацілавым эквіваленце.
