У палітвязня Рыгора Кастусёва пагоршылася здароўе ў СІЗА КДБ
![Рыгор Кастусёў / Еўрарадыё](/sites/default/files/styles/gallery_main/public/2023-08/kostusev_20_07.jpg.webp?itok=DhA0eKXO)
Рыгор Кастусёў / Еўрарадыё
Палітвязень Рыгор Кастусёў адзначае, што ягонае здароўе пагоршылася за той час, пакуль ён знаходзіцца ў СІЗА КДБ, паведамляе Deutsche Welle.
"Доктар мне робіць абязбольвальныя ўколы, хоць лягчэй у гэтым плане. Хоць сплю начамі. За мінулы тыдзень толькі адну ноч былі прыступы, але з мачой пачала ісці кроў, заўважыў з чацвярга. Усё больш і больш, што гэта і чаму — пакуль невядома", — піша Кастусёў у сваім лісце да дачкі Кацярыны. Яна атрымала яго некалькі дзён таму.
У 64-гадовага кіраўніка Партыі БНФ падазрэнне на анкалогію, аднак ні самому Кастусёву, ні ягоным сваякам не паведамляюць пра вынікі абследаванняў. У СІЗА ў Кастусёва ўзялі аналізы і правялі некалькі абследаванняў, але больш ніякіх дзеянняў не рабілі.
Па словах дачкі палітвязня, яе бацьку патрэбная аперацыя, пра што ідзе размова яшчэ з лета. Той факт, што вынікі аналізаў трымаюць у сакрэце, з'яўляецца парушэннем закона, мяркуе Кацярына.
Усе хадайніцтвы аб змене меры стрымання Кастусёву ў сувязі са станам здароўя або адхіляюцца, альбо ігнаруюцца. Як паведамляла Еўрарадыё, пад вартай лідар БНФ знаходзіцца ўжо паўгода, яго затрымалі па справе "аб замаху на Аляксандра Лукашэнку".
![У политзаключенного Григория Костусева ухудшилось здоровье в СИЗО КГБ](/sites/default/files/paragraphs/image/photo2021-10-1215-44-23.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.