У Осла на ўручэнне Нобелеўскай прэміі прыехала жонка палітвязня Алеся Бяляцкага
![Берыт Райс-Андэрсэн і Наталля Пінчук / t.me/viasna96](/sites/default/files/styles/gallery_main/public/2023-08/112_5.jpg.webp?itok=s0FE3jeo)
Берыт Райс-Андэрсэн і Наталля Пінчук / t.me/viasna96
У Осла на ўручэнне Нобелеўскай прэміі міру прыехала жонка палітвязня Алеся Бяляцкага Наталля Пінчук. Урачыстая цырымонія пройдзе 10 снежня. Пінчук атрымае прэмію замест мужа, якога рэжым Аляксандра Лукашэнкі з мінулага года ўтрымлівае за кратамі. Па надуманых абвінавачаннях праваабаронцу Бяляцкаму пагражае ў Беларусі да 12 гадоў пазбаўлення волі.
Наталлю Пінчук вітала Берыт Райс-Андэрсэн, старшыня нарвежскага Нобелеўскага камітэта.
Пра тое, што беларускі праваабаронца і палітвязень Алесь Бяляцкі стаў лаўрэатам Нобелеўскай прэміі міру, стала вядома 7 кастрычніка 2022-га. Разам з ім лаўрэатамі сталі ўкраінскі Цэнтр грамадзянскіх свабод (яго ў Осла прадстаўляе Аляксандра Матвійчук) і расійскі цэнтр "Мемарыял" (яго прадстаўляе Ян Рачынскі).
![У Осла на ўручэнне Нобелеўскай прэміі прыехала жонка палітвязня Алеся Бяляцкага](/sites/default/files/styles/default_image_paragraph/public/paragraphs/image/image-5-4.png.webp?itok=rTvd2um-)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.