У Офісе Святланы Ціханоўскай абверглі чуткі пра смерць яе мужа Сяргея ў калоніі
![Сяргей Ціханоўскі / Еўрарадыё](/sites/default/files/styles/main_image_watermark_/public/2023-08/cichan-1601.jpg.webp?itok=AQr8XYH5)
Сяргей Ціханоўскі / Еўрарадыё
У Офісе Святланы Ціханоўскай абверглі чуткі пра тое, быццам яе муж Сяргей памёр у калоніі.
"На мінулым тыдні з ім сустракаўся адвакат, а ўчора дадаткова ўдакладнялі — з Сяргеем усё ў парадку", — расказала ТГ-каналу "Позірк" прэс-сакратар Ціханоўскай Ганна Красуліна.
Чуткі пра смерць палітвязня з'явіліся 12 лютага. Між тым, 14 лютага павінен пачацца новы суд над ім: Сяргея Ціханоўскага вінавацяць у злосным непадпарадкаванні адміністрацыі турмы.
Палітвязня затрымалі 29 траўня 2020 года. 14 снежня 2021 года Гомельскі абласны суд пасля закрытага працэсу прысудзіў яму 18 гадоў пазбаўлення волі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.