У нядзелю на паўднёвым захадзе краіны будзе да +14

У бліжэйшыя суткі, 17 сакавіка, у Беларусі чакаецца хмарнае з праясненнямі надвор'е. Уначы на значнай частцы тэрыторыі краіны, а ўдзень у асобных раёнах пройдуць невялікія ападкі, у асноўным у выглядзе дажджу.

На асобных участках дарог уначы будзе галалёдзіца. Уначы і раніцай месцамі прагназуецца слабы туман. Вецер будзе заходні парывісты, удзень — паўднёвы, слабы да ўмеркаванага.

Тэмпература паветра ўначы складзе ад 3 градусаў марозу да 3 цяпла. Удзень чакаецца 4-10 са знакам плюс, а на паўднёвым захадзе будзе да +14, перадае БЕЛТА са спасылкай на Белгідрамет.