У ноч на нядзелю будуць замаразкі. А потым?
![Кава](/sites/default/files/styles/gallery_main/public/2023-10/beverage-3837110_1920.jpg.webp?itok=h-hXG5-q)
Кава / pixabay
Сіноптыкі папярэдзілі аб замаразках у ноч на нядзелю ў некаторых рэгіёнах Беларусі. А што будзе з надвор'ем потым? Вось прагноз на найбліжэйшыя дні.
Днём у нядзелю, 21 красавіка, на Беларусь акажа ўплыў цыклон, які ссоўваецца з Чорнага мора на суседнюю з намі ўкраінскую Чарнігаўшчыну. Будзе воблачна, ноччу з праясненнямі. Максімальная тэмпература паветра днём +6..+12°С, па паўднёвым захадзе да +14°С.
У панядзелак, 22 красавіка, будзе воблачна. На большай частцы тэрыторыі краіны пройдуць ападкі, дзе-нідзе нават мокры снег. Вецер паўночны з пераходам на заходні парывісты, а па начах нават моцны парывісты. Тэмпература паветра ўначы +1..+ 7°С, Днём +3..+ 10°С, месцамі па поўдні і паўночным усходзе да + 13°С.
У аўторак, 23 красавіка, нарэшце будзе не проста воблачнасць, а воблачнасць з праясненнямі. Дождж і мокры снег — толькі ноччу, і то па поўначы. Ды і той хутка скончацца. Ноччу і раніцай на асобных участках дарог галалёдзіца. Днём ад + 7°С па поўначы да + 15°С па поўдні.
Увогуле, на наступным тыдні варта ехаць грэцца ў Брэст або на Палессе.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.