У Наваполацку сутыкнуліся мікрааўтобус і машына Дэпартамента аховы (відэа)
У Наваполацку сутыкнуліся мікрааўтобус Volkswagen Transporter і машына Дэпартамента аховы. Здарэнне адбылося каля 12-й гадзіны ў панядзелак, 8 студзеня. Абодвух кіроўцаў (ва ўзросце 25 і 48 гадоў) адвезлі ў бальніцу для агляду. Паводле папярэдняй інфармацыі, ніхто з іх сур’ёзна не пацярпеў. Па факце ДТЗ праводзіцца праверка, інфармуе сайт ximik.info.
