У Мінску з’явілася фэйкавая агітацыя з 6 кандыдатамі ў прэзідэнты (фота)
Адзін з такіх плакатаў у абед 25 верасня быў сфатаграфаваны ля станцыі метро “Каменная горка”. Ён наклеены на выбарчы стэнд, пад шапкай “Выбары 2015” на ім шэсць здымкаў “кандыдатаў” — акрамя афіцыйна зарэгістарваных яшчэ Віктар Цярэшчанка і Жанна Раманоўская, якія рэгістарцыі не прайшлі.
Пад кожным з партрэтаў невядомыя размясцілі невялікі зварот. Напрыклад, пад здымкам Аляксандра Лукашэнкі ёсць такі тэкст: “Ці вы згодныя, што адзін і той жа чалавек не можа займаць пасаду прэзідэнта больш за два тэрміны? З выбарамі ўсё зразумела! Слабо прызначыць Народны рэферэндум па гэтым пытанні?”.
Паходжанне плакатаў пакуль незразумелае.
