У Мінску знікла жанчына з дзвюма дочкамі (UPD: знайшліся)
Кацярына Мельнікава / ГУВД Мингорисполкома
У Мінску шукаюць Мельнікаву Кацярыну Мікалаеўну і яе 7-гадовых дочак Марыю і Сафію. У пятніцу, 19 красавіка, каля 18.00 сям'я выйшла на шпацыр з СПЦ з прытулкам Заводскага раёна.
Рост абедзвюх дзяўчынак — 140 см, маюць сярэдні целасклад і цёмна-русыя валасы.
Сафія была апранута ў светла-карычневую куртку, шэра-блакітную шапку, светлыя штаны і чорныя красоўкі.
На Марыі была шэра-блакітная шапка, светла-карычневая куртка, цёмныя штаны і блакітныя красоўкі.
Адмысловыя прыметы дзяўчынкі — шнар на левай шчацэ.
На выгляд маці дзяўчынак 40 год. У яе светла-русыя валасы і сярэдні целасклад.
Калі вам нешта вядома пра месцазнаходжанне гэтых людзей, тэлефануйце па тэлефонах: +375 29 712-19-19, +375 29 169-59-62, 102.
UPD: Дзяўчат і маці знайшлі. Яны знаходзяцца ў родных, іх жыццю і здароўю нічога не пагражае.
