У Мінску знайшлі дом з мухамі і не ведаюць, адкуль яны бяруцца
Мухі ў пад'ездзе дома №17 па вуліцы Шугаева / "Мінск-Навіны"
Жыхары аднаго з дамоў у мінскім мікрараёне Уручча паскардзіліся на масавае нашэсце мух, пішуць "Мінск-Навіны".
Скарга прыйшла ад жыхароў дома №17 на вуліцы Шугаева. Мясцовая жыхарка расказала журналістам, што навалу мух у доме яны назіраюць ужо некалькі гадоў. У траўні-чэрвені спачатку з'яўляецца няшмат вялікіх мух, але з кожным месяцам іх колькасць павялічваецца, яны залятаюць у кватэры, гудуць на гаўбцах. Прычым у суседніх дамах нічога такога няма.
Камунальнікі, якія абследавалі дом, не выявілі ачаг, з якога лятуць мухі.
"Намі, спецыялістамі ЖЭУ № 4 было праведзена абследаванне ўсіх тэхнічных памяшканняў жылога дома. Паходжання збору гэтых мух мы на сённяшні момант не выявілі", — кажа намесніца дырэктара ЖКГ Першамайскага раёна Мінска Ірына Зелянкевіч.
Паведамляецца, што спецыялісты ЖЭУ ўжо двойчы праводзілі дэзінсекцыю. На пажарнай лесвіцы цяпер ляжыць шмат мёртвых мух, але новыя ўсё адно прылятаюць.
