У Мінску затрымалі адваката Дзмітрыя Пігуля
![Дзмітрый Пігуль / advokat.by](/sites/default/files/styles/gallery_main/public/2023-08/Pigul.jpg.webp?itok=YNnLqf9g)
Дзмітрый Пігуль / advokat.by
У Мінску затрымалі адваката Дзмітрыя Пігуля, паведамляюць праваабаронцы. Адбылося гэта ў сераду ўвечары. Дахаты да Пігуля прыйшлі супрацоўнікі КДБ.
Мяркуецца, што ў дачыненні адваката распачалі крымінальную справу. Верагодна, гэта артыкул 407 КК — "Разгалошванне дадзеных папярэдняга следства ці закрытага судовага пасяджэння". Па папярэдняй інфармацыі, Дзмітрый Пігуль знаходзіцца ў СІЗА КДБ.
Пігуль быў адвакатам на працэсе па справе "Буслы ляцяць", фігурантам якой 28 верасня вынеслі жорсткія прысуды. Таксама ён абараняў палітзняволеную Алену Маліноўскую, якая была асуджана разам з палітвязнем Анатолем Латушкам.
Апошнім часам была затрымана цэлая група адвакатаў: у Мінску і ў рэгіёнах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.