У Мінску засталіся паслы толькі дзвюх краін ЕС — Аўстрыі і Італіі

У Мінску з паслоў краін Еўропы на раніцу суботы, 10 кастрычніка, засталіся толькі пасол Аўстрыі і пасол Італіі. Пра гэта паведамляе TUT.BY са спасылкай на інфармаваныя крыніцы. Іншыя еўрапейскія паслы адкліканы ў свае сталіцы для кансультацый.

Дыпламатычны скандал здарыўся 2 кастрычніка, пасля таго, як МЗС Беларусі запатрабаваў ад пасольстваў Польшчы і Літвы ў нашай краіне скараціць колькасць дыпламатаў. Па новых умовах у пасольстве Літвы замест 25 павінна застацца 14 дыпламатаў, у Польшчы — замест 50 павінна застацца 18. МЗС Беларусі рэкамендаваў адклікаць паслоў Літвы і Польшчы на ​​радзіму для кансультацый.

Пасол Польшчы Артур Міхальскі і амбасадар Літвы Андрус Пулокас з'ехалі з Беларусі 5 кастрычніка. У пятніцу, 9 кастрычніка, МЗС Польшчы таксама выканаў патрабаванне Беларусі: былі адкліканы 32 польскіх дыпламата.

Чэхія, Германія, Эстонія, Латвія, Балгарыя, Вялікабрытанія і Румынія таксама адклікалі сваіх дыпламатаў. Пра тыя ж намеры паведаміла Славакія.

9 кастрычніка міністр замежных спраў Рэспублікі Беларусь Уладзімір Макей пагутарыў па тэлефоне з намеснікам Старшыні Еўрапейскай камісіі, Высокім прадстаўніком Еўрапейскага саюза па замежных справах і палітыцы бяспекі Жозепам Барэлем.

Падчас гутаркі бакі абмеркавалі стан і перспектывы адносін паміж Беларуссю і ЕС.

Беларусь заявіла пра прынцыповую гатоўнасць да раўнапраўнага і ўзаемапаважлівага дыялогу з Еўрапейскім саюзам, бесперспектыўнасці санкцый для развіцця адносін па лініі Беларусь — ЕС.

Уладзімір Макей таксама патлумачыў свайму еўрапейскаму калегу, што падыходы беларускага боку па ўсталяванні парытэтнай колькасьці дыпляматаў Польшчы і Літвы ў Беларусі з'яўляюцца выключна мерай у адказ, якая не накіраваная супраць ЕС альбо на згортванне дыялогу.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.