У Мінску з грузавога аўтамабіля выпала карова (відэа)
Кур'ёзны выпадак здарыўся днямі на вуліцы Казінца ў сталіцы.
Пра гэта піша onliner.by са спасылкай на чытача, які даслаў відэаролік. З грузавога аўтамабіля падчас руху проста на дарогу вывалілася карова. Падняўшыся, жывёла пайшла на ўзбочыну — скубці траву.
Па словах аўтара роліка, ён дагнаў кіроўцу грузавіка і паведаміў пра здарэнне. Той вярнуўся, каб забраць карову.
Дарэчы, калі б за грузавіком ехаў іншы аўтамабіль і адбылося сутыкненне, то кіроўцу маглі прыцягнуць да адміністрацыйнай адказнасці за парушэнне правілаў перавозкі грузаў.
