У Мінску ў таксістаў-нелегалаў арыштавалі 40 аўтамабіляў
Сёлета ў Мінску ў выніку кантрольных мерапрыемстваў у таксістаў-нелегалаў арыштавалі 40 аўтамабіляў на агульную суму амаль 288 тысяч рублёў. Пра гэта паведамляе агенцтва “Мінск-навіны”, якое спасылаецца на падаткавікоў. Аднак канфіскацый транспартных сродкаў праз суд не было. Парушальнікаў аштрафавалі (на агульную суму каля 7 тысяч рублёў), таксама яны былі вымушаны заплаціць падатак (больш за 31 тысячу рублёў).
