У Мінску трэці раз затрымалі экскурсаводку Аксану Манкевіч
![У Мінску трэці раз затрымалі экскурсаводку Аксану Манкевіч](/sites/default/files/styles/gallery_main/public/2023-08/mankievicz-1409.jpg.webp?itok=UdF9bpOn)
Зранку 14 верасня ў Мінску затрымалі 24-гадовую экскурсаводку кампаніі "Віаполь" Аксану Манкевіч, паведамляе праваабарончы цэнтр "Вясна".
На праўладных тэлеграм-каналах з’явілася "пакаяльнае" відэа з дзяўчынай. Яна кажа што "прымала ўдзел у масавых мерапрыемствах у 2020 годзе, а таксама выходзіла на дарогу з бел-чырвона-белым сцягам".
Дарэчы, Аксану ўжо двойчы затрымлівалі ў 2021 годзе па "народных" артыкулах. На пачатку года яе затрымалі разам з экскурсіяй і абвінавацілі ў несанкцыянаваным мерапрыемстве. А ў лістападзе ў яе замовілі экскурсію па Мінску, але на сустрэчу прыйшоў супрацоўнік міліцыі, які адвёў дзяўчыну ў ГУБАЗіК. Яе абвінавацілі ў "непадапарадкаванні міліцыянту" і арыштавалі на 15 сутак.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.