У Мінску пасярод вуліцы нечакана загарэўся аўтамабіль (фота, відэа)
Здарэнне адбылося зранку 16 лютага на вуліцы Лабанка.
На вуліцы Лабанка ў Мінску каля 9-й гадзіны раніцы загарэўся мінівэн. Карэспандэнт Еўрарадыё, які стаў сведкам здарэння, кажа, што ўзнік вялікі затор.
Ратавальнікі, якія прыбылі на месца, спярша праверылі, ці ёсць хто-небудзь у салоне. Па іх словах, там было пуста. Пасля гэтага яны пачалі тушыць пажар.
