У Мінску паказваюць замежныя падарункі Лукашэнку і кіраўніцтву Беларусі
Адпаведная выстава адкрылася 18 верасня ў Музеі сучаснай беларускай дзяржаўнасці.
У каментары Еўрарадыё дырэктар музея Сяргей Ісаковіч паведаміў, што на выставе прадстаўленыя экспанаты з 12 краінаў.
Ісаковіч: "З самых цікавых тут, магчыма, юбілейныя медалі, прысвечаныя 200-годдзю вайны 1812 года — ад прэзідэнта Пуціна. Ну, і, напэўна, нагрудны знак у выглядзе крыжа. Ён уручаны камітэтам па святкаванні 135-годдзя вызвалення Балгарыі ад туркаў. Гэта, на мой погляд, самыя цікавыя рэчы".
На выставе можна пабачыць таксама макет касмічнага спадарожніка з Кітая, копіі скіфскіх упрыгожанняў IV стагоддзя да нашай эры з Украіны. Па словах Ісаковіча, экспанаты прадстаўляюць розныя часткі свету — Еўропу, Азію, Амерыку.
Выстава будзе дзейнічаць да 14 кастрычніка.
Фота БЕЛТА