У Мінску каля школы забілі жанчыну, ёй нанеслі дзясяткі нажавых раненняў
У Мінску каля школы забілі жанчыну, ёй нанеслі дзясяткі нажавых раненняў. Жорсткае забойства было раскрытае за некалькі гадзін, падазраваны ў здзяйсненні забойства ўжо затрыманы. Як інфармуе прэс-служба МУС Беларусі, здарэнне адбылося ўначы 8 верасня ў Маскоўскім раёне сталіцы. А пачалося ўсё з тэлефанавання на лінію “102” у 1.36 пра знойдзены на тэрыторыі адной са школ труп жанчыны.
Высветлілася, што ўвечары каля школы знаходзіліся дзве жанчыны (1988 і 1989 гадоў нараджэння). Да іх падышоў малады чалавек у масцы. Ён пагаварыў з адной з іх, паколькі яны аказаліся знаёмымі, і сышоў. Праз нейкі час ён вярнуўся і нажом параніў сяброўку знаёмай. Тая пабегла па дапамогу да вахцёра школы, а ў гэты час зламыснік нанёс шматлікія ўдары нажом жанчыне, якая засталася. Ад атрыманых раненняў яна памерла на месцы.
Зламыснікам аказаўся 22-гадовы хлопец. Раней яго прыцягвалі да адказнасці за дробнае хуліганства, ухіленне ад прызыву ў войска, за распіццё спіртных напояў у грамадскім месцы. У 4.40 маладога чалавека затрымалі ў яго кватэры (дом знаходзіцца недалёка ад месцы трагедыі). Праваахоўнікі высвятляюць матывы ўчынку.
