У Мінгарвыканкаме супрацоўнікам прапаноўвалі ўзяць у рукі аўтамат

Раніцай 23 лютага ў Мінгарвыканкаме мужчынам-супрацоўнікам прапаноўвалі ўзяць у рукі... аўтамат. Так там адзначалі Дзень абаронцаў Айчыны.

Як паведамляе прэс-служба Мінгарвыканкама, мужчын на ўваходзе сустракалі дзяўчаты ў савецкай салдацкай форме і ўручалі пад "песні ваенных гадоў" падарункі. З "баявымі сяброўкамі" чыноўнікі рабілі здымкі "ва ўнікальнай фотазоне з экспанатамі з славутага баявога мінулага".