У Мелітопалі выкралі мэра, мясцовыя жыхары выйшлі на мітынг
Мітынг у Мелітопалі 12 сакавіка / скрыншот з відэа
Жыхары ўкраінскага Мелітопаля выйшлі 12 сакавіка на мітынг з патрабаваннем вярнуць мэра горада Івана Фёдарава, якога расійскія сілы выкралі ў пятніцу.
Мяркуючы па апублікаваных у суботу відэа, у цэнтр горада выйшлі да дзвюх тысяч чалавек. Многія ўзялі з сабой ўкраінскія сцягі. "Вярніце мэра", — скандуюць яны.
Адначасова з'явілася інфармацыя аб тым, што расійскія вайскоўцы выкралі і адну з актывістак пратэсту.
Пакуль што няма інфармацыі пра месцазнаходжанне ні актывісткі, ні мэра.
